29 сәуір күні 9 сынып оқушыларымен «Заманауи мамандықтар» атты сынып сағаты өтті.

Мақсат:

– Оқушыларды заманауи мамандықтар әлемімен таныстыру;

– Еңбек нарығында сұранысқа ие мамандықтар туралы түсінік қалыптастыру.

Кәсіптік бағдар беру маманы еңбек нарығының қалай өзгеріп жатқаны, қандай мамандықтардың өзектілігі артып келе жатқаны, болашақ мамандықты таңдауда жеке қызығушылық, қабілет, қоғам сұранысын ескеру неліктен маңызды екендігі туралы әңгімеледі.

Заманауи және сұранысқа ие бағыттар ұсынылды: IT мамандықтары, цифрлық маркетинг, инженерия, экология, қалатану, болашақ медицинасы, жасанды интеллект және робототехника саласындағы кәсіптер.

Соңында «Мамандық сипаттамасы бойынша» шағын ойыны және рефлексия өткізілді: оқушылар өздеріне қандай мамандықтар жақын екенін және қандай жаңа нәрселерді үйренгендерін ортаға салды.